tel10

Thirukkural in Telugu తిరుక్కురళ్ (Translator: గురుచరణ్)

91. స్త్రీలోలుఁడు
0901	స్త్రీల ననుసరింపఁ జెడుపోను, కార్యజ్ఞు లిష్టపడని కార్యమిది యటండ్రు.
0902	మగువలందు దగిలి మఱచిన సర్వమ్ము వచ్చుదాని కన్నఁ వగపు హెచ్చు
0903	మగువ కణఁగి యుండు మగవానికే ప్రొద్దు సుజనులుండు చోట శోభరాదు.
0904	మగువ కణఁగ మోక్ష మార్గమ్ము శూన్యమ్ము పూనుకొన్న పనులు పూర్తిగావు
0905	సతికి వెఱచు నతఁడు సతతమ్ము వెరచును సాయపడుటకైన సజ్జనులకు.
0906	అమర పదవులందు నమరినవాడైన నాతిఉ కణఁగి యున్నఁ ఖ్యాతిరాదు.
0907	పొలతి మాటఁ వినెడి పురుషన కన్నను మానదృష్టి నున్న మగువ మేలు.
0908	మిత్రహితము లేదు మిగలదు ధర్మము లతివ మాట దాట నతని కెందు.
0909	పొలతి కణగుఁ నతండు పురుషార్థముల మాని పుణ్యలార్యములను బోనడంచు.
0910	దీర్ఘదృష్టియందు స్థిరపడ్డ వారలు స్త్రీల మోహమందు జిక్కుకొనరు.
92. వెలయాలు
0911	వేశ్య వినయమెల్ల వెలకోసమేగాన ముచ్చటింపులెల్లఁ ముప్పుఁదెచ్చు.
0912	వెలకు దగ్గప్రేమ వెలయాలు చూసించు మోసపోకు దాని మోహమునకు.
0913	పడుపుకాంత సుఖము, నడిరెయి దెలియక శవముతోడ గలియు చందమగును.
0914	సానిదాని పొందు సత్యర్థ మెఱిగిన వారు గోరుకొనరు వాస్థవముగ.
0915	గౌరవమ్ము గోరువారలు వెలయాలి యందచందములకుఁ జిందిపోరు.
0916	సొంత తెలివితేట లెంతేని గలవారు వారవనిత సుఖముఁ గోరుకొనరు.
0917	తలపునందులేక వలపించు వగలాడి గూడువారు లేత గుండెవారు.
0918	మూర్ఖుడైన వాని మోహని దయ్యమ్ము వంచగించునట్టి వారవనిత.
0919	సిగ్గు లేనిదాని నిగ్గైన కౌగిలి పాప మంటగట్టు పాశమగును.
0920	జూదము, వెలయాలు, బోరత్వ మిమ్మూడు సిరి దొఱంగు వాని స్నేహమగును.

 

93. త్రాగుబోతు
0921	కీర్తి మాయమగును, కేవల పడనగును కల్లు ద్రాగు గుణముఁ గలిగెనేని.
0922	పెద్దవారి మంచి వద్దనుకొన్నచో త్రాగి తందనాల నూఁగవచ్చు.
0923	త్రాగువాని, కన్నతల్లియే రోసిన నార్యులైన వారి నడుగనేల?
0924	మానహానుడైన మదుపానరక్తుని చేష్టఁజూడఁ సిగ్గె సిగ్గుపడును.
0925	వైక మొసగి బదులు మైకమ్ము గొనునట్టి మందబుద్ధికేమి మంచి గలుగు.
0926	నిద్ర, చావువాని నియమమ్ము సమమౌను విషము మదువు రెంటి విధము నట్లె.
0927	ఎఱుగనట్లు మరుగు మరుగున త్రాకిన ఉమ్మి వేతురతని నూరివారు.
0928	త్రాగుబోతువాఁడు త్రాగలే డనలేడు తప్పు దాచ వాని తరముగాదు.
0929	దీపమెత్తి నీళ్ళ దేవిన చందమ్ము త్రాగువాని మాన్పఁ దరముగాదు.
0930	బోదలేనివేళ బోదలో బడియున్న వానిఁజూడ బుద్ధి వచ్చునేమొ.

 

94. జూదరి
0931	చేప గాలమందు జీక్కెడు విధమౌను గెలుపు సిద్ధమైన వలదు జూదు.
0932	ఒకటి వచ్చినట్టి యుత్సాహమున నూరు వదలు వాని బ్రతుకు బదిలమగునె?
0933	దొల్లి పోవువాని దొడ్డగా నమ్మన ద్రవ్యమెల్ల నెదిరి దారిబట్టు.
0934	కీడుఁ మూడఁజేసి కీర్తిని పోగొట్టి పేదవడఁగ జేయుఁ జూదమొండె.
0935	హస్తకౌశలమ్ము నక్షపాటమున్న పేదరికమె వచ్చుఁ జూదమాడ.
0936	తనిక బెక్కు బాధ లనుభవింప దగెను జూదమందు జిక్కి చొక్కు నతడు.
0937	తరతరాల నుండి తనదాక వచ్చిన యాస్తి జూదమాడ నంతరించు.
0938	కల్ల లాడజేసి కనికరమ్ము బాపు నాంది జూదమగును నరకమునకు.
0939	కూడు గుడ్డ సొత్తు కోవిదత్వము కీర్తి మంట గలియు జూద మంటుకొనిన.
0940	ఆడుచుండు జూద మోడంగ నోడంగ బాధలన్ను నాశ బ్రతుకునందు.
95. మందు
0941	హెచ్చుతగ్గులందు వచ్చు నస్వస్థత వాత పిత్తశ్లేష్మ రీతిగాను.
0942	తిన్న దరిగెనంచు దెలిసి భోంచేసిన మానవునకు వేరె మందు వలదు.
0943	జీర్ణమైన వెనుక జేసిన భోజన మల్పమైన వృద్ధి యాయువునకు.
0944	ఆకలి యగునప్పు డనువైన యాహార మెఱిఁగి సరిగ దిన్న మరుగు బబ్బు.
0945	కానిదాని దినక నైనది మితముగా నారగింప వ్యాధు లంటవండ్రు.
0946	అతిగ దినని వాని కారోగ్యమున్నట్లు అతిగ దినెడువాని కబ్బు జబ్బు.
0947	రుచికి దిన్నయెడల రోగంబు లెక్కువై పెక్కు బాధలతని లెక్కబెట్టు.
0948	జబ్బు, కారణమ్ము, శమనమ్ము గుర్తించి మందు నొసంగ వైద్య మార్గమగును.
0949	వైద్యఁడైనవాడు వ్యాధిని గుర్తించి వయసు కాల మెఱిగి వ్యాధి దీర్చు.
0950	వ్యాధియు, పరిచర్య, వైద్యఁడు, రోగియు వైద్యశాస్త్ర పాటవంబు నాల్గు.
96. వంశము
0951	మంచి యింటఁ గాక మానమ్ము సమదృష్టి నితర గృహములందు వెదక గాదు.
0952	సత్యనిష్ట, లజ్జ, సత్వర్తనంబును సంప్రదాయమునకు సహజ గుణము.
0953	మాట సొగసు, నీవి, మందహాసము మూడు గుణములుండు గొప్పకులమునందు.
0954	గొప్ప యింటివారు తప్పు దారికి బోరు కోట్లకొలది ధనము కూడుటైన.
0955	ఇచ్చునట్టి గృహము నొచ్చిపోయినగాని ప్రాత గుణము మిగిలి పరిమళించు.
0956	మచ్చరాక బ్రతుక నిచ్చగించినవారు ప్రతినకైనఁ బాడుపనులఁ దిగరు.
0957	పెద్దయింటి తప్పు పెద్దగాఁ దెలియును చంద్రబింబమందు చాయ విధము.
0958	గుణము విడచి దోషగుణములఁ బాల్పడ్డ వంశమందు బుట్టు సంశయమ్ము.
0959	పుట్టునపుడె మొలక మట్టిసారము దెల్పు వ్ వంశ మెట్టి దగునొ వాక్కు దెల్పు.
0960	మంచి వలయునన్న మర్యాదవలయును వినయ మవసరమ్ము వెలయఁ గులము.
97. మానము
0961	ఎంత గొప్పదైన నింటికిఁ దగకున్న దానిఁ మానుకొనుటె మానమగును.
0962	గౌరవమ్ము కీర్తి గావలె ననువారు మరువరాదు యింతె పరువు నెరిగి.
0963	పెరుగునప్పు డహము తరుగంగ వలయును తరుగునప్పు డహము పెరుగవలయు
0964	పదని భ్రష్ఠులైన పతితకేశములట్లు విలువ చెడుట లోక విదితమగును.
0965	ఏనుగంటివాడు యెలుకయైపోవును చెయరాని పనులఁ జేపెనేని.
0966	పూజ్యతయునురాదు పుణ్యంబు దక్కదు తుంటరులగువారి వెంటఁదిరుగ.
0967	అడిగి బ్రతుకనేల నవమదించెడివారి చెడినమేలె వారి నడుగకుండ.
0968	చెడియు గౌరవమ్ము జీవించుటన్నది మందు దినుచు బ్రతుకు చందమగును.
0969	ఉసురు విడచు చెమరి యొక్కరోమముబాయ ప్రాణమిడుదు రట్లె మానధనులు.
0970	మానరక్ష కొఱకు ప్రాణమ్ము బలిజేయు వారి నెఱిఁగి జగతి ప్రస్తుతించు.

98. పెద్దరికము
0971	ఖ్యాతి వారివారి కార్యమందానక్తి వెలితి దానితందు విముఖడైన.
0972	జన్మ మందఱికిని సమమౌను కర్మలే వారి వారి గౌరవమ్ము నిచ్చు.
0973	పీఠమెక్కినంత వెద్దగా డల్పుండు వెద్ద చిన్నగాడు గద్ద దిగిన.
0974	ఖ్యాతి తన్నుతాను కాపాడుకొనుటండె ధర్మపత్ని విధము నిర్మలముగ.
0975	శ్రేష్ఠలైనవారె జేతురు చేసిన చేతదగిన పనులు శ్రేష్ఠముగను.
0976	అల్పుల మదికంద దార్యుల శక్యమ్ము పోదవలయు ననెడి బుద్ధులెల్ల.
0977	అల్పులైనవారి కధకారమిచ్చిన స్వల్ప పనులజేయ సాహసింత్రు.
0978	అణిగియుండు గొప్పతనమెల్లరందును చిన్నతనము గర్వ శిఖరమెక్కు.
0979	పెద్దతనము గర్వ పద్ధితి నెఱుగఁబో డల్పు డెవుడు దాని దెల్పుచుండు.
0980	తప్పు మఱచు పెద్దతన మెప్పుడైనను చిన్నతనము దాని జెప్పి దిరుగు.

99.  ఆదర్శము
0981	మార్గదర్శకులగు మహనీయలెల్లరు నీతిఁ దప్పనట్టి నిష్ఠపరులు.
0982	గుణమె గొప్పవారి ధనమగు మిగిలిన ధనము లన్ని ధనము లనరు వారు.
0983	ప్రియము నయము భయము దయయు సత్యమ్ము గొప్పదనము నైదు గుంజలగును.
0984	తాపసాంశమనఁగఁదగు నహింసావృత్తి నేరమెన్నహున్న నీతివృత్తి
0985	వినయవంతుడైన విక్రమవంతుడు శత్రువులనుజేయు మిత్రువులగ.
0986	శీలమునకు గుర్తు చిన్నలనెడనైన తప్పు నెఱిగి దాని నొప్పుకొనుటె.
0987	ఉపకరింపకున్న నపకారమెంచుచో శీలమున్నదనుచు జెప్పలేము.
0988	లేమి కాదు ధనము లేనంతమాత్రాన గుణముఁ గల్లియుంటె గొప్పదనము.
0989	గుణసముద్రు లుర్వి మునిఁగిపోవగ నున్న నాశయంబు దొలఁగ రడుగుగూడ.
0990	ఆర్యులందు నున్న నాదర్శ మెఱిగిన ధరణి మునిఁగి పోకఁ దప్పుకొనునె.

100. శీలము
0991	అందఱియెడఁ గలసి యన్యోన్యముగ నుంట సుగుణమునకు నుండు సులభ గుణము.
0992	కనికరమ్ము వంశ గౌరవ మీరెండు చాటి చెప్పు నొకని సద్గుణంబు.
0993	కాదు దేహభావ మెదియు సమమన సద్గుణాళి సమమె సమమనంగ.
0994	నీతి నియమములను ప్రీతితో పాటించి మెలఁగువారి నెందు మెచ్చు జగము.
0995	సరసమైన కీడె స్తబ్ధులతోనాడ విరసమైనమేలు విజ్ఞులందు.
0996	ఉత్తములగువార లుండుటచేతనే మహిని మహియటండ్రు మట్టియనక
0997	సూదివంటి బుద్ధి సూక్ష్మతయున్నను గుణములేమి వృక్ష గణసమమ్ము.
0998	స్నేహముడిగి చెడువుఁ జేపెడి ప్రబలందు ప్రీతి జూపుచుండు నీతిపరుఁడు.
0999	కలుపుగోలుతనము గఱవైన వానికి చిట్టుచీకటగును పట్టపగలే.
1000	బుద్ధిహీను నొద్దఁ దద్దయు ధనముంత మురికి పాత్ర పాలుఁ బోసినట్లు.