tel07

Thirukkural in Telugu తిరుక్కురళ్ (Translator: గురుచరణ్)

61. అలసత్వము
0601	వెలుగు గలుగు గృహము మలిగిపోకున్నను గోళ్ళు గిల్లుకొన్న గ్రిడ్డిదగును.
0602	అలసత కలసతను కలిగింత్రు తమ యిల్లు విల్లుగాగనుండ నెంచువారు.
0603	గోళ్ళు గిల్లుకొనుచు కూర్చున్న కాపుర మంతరించు వానికన్న ముందు.
0604	ఇల్లు గనినవేరు గుల్లయైపోవును మందు డగుచు యత్నమందకున్న
0605	మఱవు, జాగు, నిద్ర, మందతయును నాల్గు చెడగ నుండు వాని తొడవు లగును.
0606	ఖ్యాతి తరుగకున్న నీతిగా దలసత పొందఁదగినదైనఁ జొందలేము.
0607	పాలుమారుటైన పనిపాట్లు లేకుండా పోటుగాను నిందమాట వచ్చు.
0608	భవ్య గృహము నందు ప్రాల్మారి కేర్పడ్డ శత్రువులకు సేవ సలుపవలయు.
0609	మరుగుపడిన వేరు మెరుగౌను శీఘ్రమ్మె మందముడిగి కార్యమగ్నుడైన.
0610	అడుగులందు దార విడచిన రాజ్యమ్ము మరల పొందవచ్చు మందముడుగ.
62. ప్రయత్నము
0611	విలుగాదటంచు వినుగొందగా నేల దాని కగును విలువ పూనుకొనిన.
0612	పూనుకొన్న పనిని పూర్తిగా జేయక విలువు వాని జగము నిందజేయు.
0613	ఉపకరింప గల్గు నుత్తమ గుణములు సాహసాత్ము జూచి మోహపడును.
0614	జేడి చేతనుండు వాడి ఖడ్గమురీతి కార్య శూన్యు డాద గల్గుటెల్ల
0615	సుఖము మఱచి కార్యముఖమున కన్నున్న వానివలన బ్రతుకు వన్నెకెక్కు.
0616	సాహసమ్ము దెచ్చు సంపదలిన్నింట నడ్డిలేమి, లేమి కంతులేదు.
0617	సోమరి యగువాని జొచ్చు మూదేవి లక్ష్యపరుని గూడి లక్ష్మి దిరుగు.
0618	లేకయున్న నింద లేదండ్రు యత్నంబు జేయనవుడె నింద జేరు నతని.
0619	విధయె శత్రువైన విశ్రాంతి నెఱుగక పాటుబడ్డ కూలి లోటులేదు.
0620	సాహసాత్మ తోడఁ సహకరించును లక్ష్మి సోమరి యగువానిఁ లేమివూను

 

63. నిబ్బరము
0621	దుఃఖములను పారదోలంగ మార్గంబు నొవ్వకుండ జూచి నవ్వుకొనుటె.
0622	పొంగివచ్చు దుఃఖముల నెల్ల ప్రాజ్ఞుండు మనసులోనె ద్రిప్పి మాన్పుకొనును.
0623	కష్టములను జూచి కష్టపడనివారు కష్టవెట్టగలరు కష్టములనె.
0624	ఎట్టులున్న మార్గ మెద్దులాగును బండి పట్టుబట్ట వెతలు పలచబడును.
0625	వెతలు వేరుకొన్న మతి చలింపదయిన వెతలు వెతలు పడెడు గతికివచ్చు.
0626	పోయెనంచు దిగులు పొందుటను తెలియ రున్ననాడు లోభ ముడుగువారు.
0627	కష్టములకె మేను కలదను వెద్దలు తొట్రుపాటు బడరు దుఃఖములకు.
0628	సహజమనుచు వెతలు సహించి సౌఖ్యమ్ము కోరకున్న దుఃఖ భారముడుగు.
0629	సుఖము గల్గు పట్లఁ జొక్కిపోవని వారు వెతలు గల్గుపట్ల వెఱ్ఱిగారు.
0630	కష్టమనుభవింప నిష్టపడెడి వారి, వైరులైన జూచి గౌరవింత్రు.

 

64. మంత్రి
0631	సాధ్య సాధనములు సమయమ్ము స్వప్రజ్ఞ యచితమగును జూడ సచివునందు.
0632	అభయ, మాలకింపు, ప్రభవమ్ము, జ్ఞానమ్ము, తంత్రమైదు వలయు మంత్రి కెవుడు.
0633	సచివుఁ డెరుగవలయు సామ దానమ్ములు చెదరగొట్టి మఱలఁ జేరదీయ.
0634	స్థిరముగాను దెలిసి స్థిరముగాఁ జెప్పెడి కార్యవాది మంత్రిగాఁగఁ దగును.
0635	ధర్మమెరిగి మాట ధాటిగ జెప్పెడి కర్మటుండె మంత్రిగాగ దగును.
0636	ప్రజ్ఞతోడఁ శాస్త్ర పరిచయంబున్నచో నంతకన్న విజ్ఞ తరయ గలమె.
0637	ఎంత దెలిసియున్న నిల సాంప్రదాయమ్ము మరువ దగదు కార్య మార్గమందు.
0638	తనకు దెలివిలేదు, వినమన్న వినడట్టి వాని దిద్దగలుగు వాడె మంత్రి.
0639	మర్మమైనయట్టి దుర్మంత్రి కన్నను పదియు కోట్లు మేలు పగతుడైన.
0640	కాగల పనులైన కాకనే జెడిపోవు చేతగాని మంత్రి చెంతనున్న.
65. వాక్చాలత
0641	మాటకారితనము మానిత సంపద విలువలందు దాని విలువవెరు.
0642	మాట కోడవచ్చు మంచి చెడుగులన్ని నిలువుకొనుము మంచి పలుకు లెఱిగి.
0643	మిత్రవరుల వోలె శత్రువులైనను “జార” యనుటె మాట సౌరనంగ.
0644	మాట తిరెరింగి మాటాడు మాటాడ దానిలోనె ధనము ధర్మముండు.
0645	పలుకబూన మారు బలుకని రీతిగా తెలిసి పలుకునదియె పలుకనంగ.
0646	మధుర భాషణముల నెదిరి జెప్పిన దాన మంచి నెఱుఁగు నతఁడె మాటకారి.
0647	వాగ్విలాస మెఱిఁగి వదరక విర్భీతి పలుకు నతని గెలువ వశముగాదు.
0648	పలికి నట్లు జగతి పనిచేయు వాక్శుద్ధి కలిగి పలుకు నతఁడు పలికెనేని.
0649	అతిక జెప్పు వారు మితభాషణమ్ముల యుక్తియుక్త మెరుగకున్న వారె.
0650	పరిమళమ్ము లేక విరిసిన పూగుత్తి చదివి వ్యక్తపరుప జాలకున్న.
66. సత్క్రియ
0651	తోడు మంచిదైన తోడాను సంపద శిష్ట వృత్తి సకల సిరుల నిచ్చు.
0652	ఆచరింప గవల దపకీర్తి దెచ్చెడి కార్యములను సర్వకాలమందు.
0653	రాను రాను వైకి రాగోరు వారలు బొగడఁబడని బనులఁ దెగడవలయు.
0654	గాసితోడ నెన్ని కష్టాల పాలైన చిత్త బలులు హీనవృత్తి దిగరు.
0655	చేయరాదు వెనక జింతించు పనులను చేసియున్న మఱల చేయవలదు.
0656	కన్నతల్లి యాకలన్నను, దానికై తప్పుదారి ద్రొక్క దగవు గాదు.
0657	దుష్కృతంబు వలన దొర యౌటకన్నను వేదవడిన శిష్టవృత్తి మేలు.
0658	చేయదగని పనుల జేయంగ లాభమ్ము కలుగుటైన కీడు గలుగు మఱల.
0659	దుఃఖ పెట్టి యొరుల దోచిన ద్రవ్యమ్ము దుఃఖ పడగ జేసి తొలగిపోవు.
0660	మోసగించు వృత్తి దాచిన సంపద యోటికుండలోని నీటి విధము.
67. కార్యసిద్ధి
0661	సర్వకార్యసిద్ధి సంకల్ప సిద్ధియే అన్ని దాని యందె యైక్యమగును.
0662	చిక్కులందు బడమి, శ్రేష్టమ్ము పడినచో చొక్కి పోమి కార్యసూరు మతము.
0663	పూనుకొన్న పనిని పూర్తిగావింపక నిలువుకొన్నవాడు నిందపాలు.
0664	చెప్పవచ్చు నెన్నొ చెప్పిన రీతిగా ననుసరించు వార లరుదు జూడ.
0665	కీర్తి దెచ్చుపనుల కృతకృత్యు డైనచో చక్రవర్తియైన సత్కరించు.
0666	కోరు వారి శ్రద్ధ కొఱతఁగాకున్నచో కోరుకొన్న దెల్లఁ గూడివచ్చు.
0667	ఆకృతిగని యెంచ కల్పుగా నొకనిని తేరును కడచీలె తిరుగబెట్టు.
0668	శంక లేక నొకటి సంకల్ప శుద్ధితో విసుగు లేకఁ జేయ దొసఁగు రాదు.
0669	విఘ్నములకు వెఱచి విడువక సత్కర్మ పూర్తిజేయ వలయు పూనినట్లు.
0670	ఎన్ని యున్న లోక మన్నదు, దృఢచిత్త మొండు లేని యెడల బెండుగాన.

68. కార్యదీక్ష
0671	నిర్ణయమున కెల్ల నిర్వాహ దీక్షయే యాలసింప దాని కవగుణమ్ము.
0672	ఆలసింప దగిన దాలసించుట లెస్స వేగపడగ నున్న జాగుచెడువు.
0673	కార్యమెట్టిదైన కడతేర్చవలయును సాధ్య మెట్లొ యట్లు జంకువిడచి.
0674	శత్రుశేషమున్న శ్రమశేషముండిన నగ్ని కణము నార్పనట్టి విధము.
0675	కలిమి బలిమిస్థలము కాలమ్ము పక్వమ్ము నెఱిగి జేయ పనులు మెరుగు పడును.
0676	అగునొ కాదొ దెలసి యగుటైన నద్దాని ఫలితమెఱిగి జేయనలయుపనిని.
0677	అనుభవజ్ఞుడైన నడిగి జేసిన కార్య మెప్పటికిని చెడక మెప్పు వడయు.
0678	కార్యమునకు తోడు కార్యమ్ముగైకొమ్ము యేన్గు నేన్గు తోడ నీడ్చినట్లు.
0679	ఆప్తు కన్న మేలు సత్యంత త్వరగాను కాని వారితోడ కలియుటగును.
0680	తగ్గుదలను జూచి తడయక వెంతనే భీతి దీర్ప సంధి నీతి యగును.

69.  దూత
0681	ప్రేమ సత్కులమ్ము పృధినీళు సంప్రీతి కలుగు నతఁడు దూత గాగ దగును
0682	ప్రేమ, ప్రజ్ఞ, విషయ విశ్లేషణా శక్తి దూతకు నివి మూడు తొడవు లగును.
0683	విదురులందు గొప్ప విదురుండు ద్యూతమ్ము క్ష్మాతలేంద్రు లెదుట సలువు నతఁడు.
0684	తగిన రూపు, తెలివి తరుగని విద్యయు మూడు దౌత్యమునకు ముఖ్యమగును.
0685	ప్రియపడంగ జెప్పి వెగటును తప్పించి నయము గూర్చు నతఁడె స్వయము దూత.
0686	నీతి నిర్ణయమ్ము నిలకడ నిర్భీతి దోహదమ్ములగును దౌత్యమునకు.
0687	బాధ్యతెరిగి కాలపక్యమ్ము గుర్తించి స్థానమెఱిగి పలుకు జ్ఞాని దూత.
0688	సత్ప్రవర్తనమ్ము సఖ్యమ్ము తుల్యత దూత లక్షణముగఁ జూతురెల్ల.
0689	తప్పు బలుక డెవఁడొ తడబాటుగానైన వాఁడె తగిన రాయబారి యగును.
0690	చావు మూడుటైన క్ష్మాతలేంద్రుల మేలు గోరు నతఁడె రాయబారి యగును.

70. రాజాశ్రయము
0691	తగిలి తగలకుండ పెగ గాచుకొన్నట్లు బ్రతుకవలయు నృపుని పాలనున్న.
0692	కోరరాదు రాజు కోరెడి కోర్కెల నట్టి యాశ్రితునకు నమరు సిరులు.
0693	మెలగవలయు నెంతొ మెలకువగా నుండి శంకరాగ మాన్ప శక్యపడదు.
0694	చెవిని జెప్పరాదు చేరి నవ్యగరాదు విడిచి చెప్పునేని వినుట మేలు
0695	మర్మ మడుగరాదు మర్మంబు వినరాదు వినుమటన్న దానిఁ వినుట లెప్ప.
0696	ఊహ నరసి కాలమూహించి విన్నది వినయముగను బల్కు వెగటు విడక.
0697	వినగ దగ్గ వాని వినిపించి వినరాని వడిగెనేని జెప్ప దొడఁగ రాదు.
0698	బాలుఁడనియు తనకు బంధువనియు నెంచ వలదు రాజ్యపదని గలిగినపుడు.
0699	ఎన్నబడితి మనుచు నేదైన జేయరు సుస్థిరమతులైన నుజనులెపుడు.
0700	ప్రాతవాళ్ళ మనుచు నీతికి దూరమై నడచుకొన్న పదవినష్టమగును.