tel02

Thirukkural in Telugu తిరుక్కురళ్ (Translator: గురుచరణ్)

11. కృతజ్ఞత
0101	ఎట్టి ప్రతిపలమ్ము నెదురుజాడకఁ జేయు మేలె గొప్ప మన్ను మిన్ను కన్న.
0102	కాలమెఱిఁగి జేయ గలిగిన మేలది చిన్నదైనఁ జగతికన్న మిన్న.
0103	అశలేక మేలుజేసిన గొప్పకు సాగరంబు గూడ సమము గాదు.
0104	కొంచమైన మేలు కొండగా భావింత్రు దాని మహమ దెలియ దగినవారు.
0105	కొలతఁబిట్టి మేలు గొలచుట సరిగాదు గుణము నందె దాని గొప్ప కలదు.
0106	ఇడుములందు సాయపడినట్టి మైత్రిని పీడఁరాదు మేలుఁ జాడవలయు.
0107	అదుకొన్న స్నేహ మాపదఁ దొలిగింప జన్మజన్మములకు జ్ఞప్తిగలుగు.
0108	మేలు మఱువరాదు మేనుండు నందాక కీడు మఱువ పాడినాడు నాడె.
0109	తలకు మించి కీడుఁదలపెట్టు వాని దౌ మేలు కొంత దలుపఁ జాలి కలుగు.
0110	దేనినైన మఱువఁ దెరవుండు బ్రతుకంగ మేలు మఱచి బ్రతుక వీలుగాదు.
12. తాటస్థ్యము
0111	పక్షపాత మెడలి వర్తించుటే న్యాయ మందులొనె సౌఖ్య మమరియుండు
0112	న్యాయపరుని సొమ్ము నాళమ్ము గాఁబోదు తరతరాల వరకుఁ బెఱుగునద్ది
0113	ఇంద్రవదని బుధుల కెక్కువ గాడెన్న ధర్మ పక్షమునకుఁ దగనిదైన
0114	వారి వారికున్న వారసత్యమె తెల్పు తగును తగడటంచు తథ్యముగను
0115	కలిమిలేములెల్ల కలుగునవే గాన బుధులు న్యాయపథము వదలరెందు
0116	అంతరాత్మ న్యాయ మందించు చుండగా చెవిని బెట్ట్కున్నఁజెడు నతండు
0117	తగ్గు తగ్గుగాదు తాటస్థ్యపరునికి నెగ్గుగాను దలువ రెవరుగాని
0118	తూచు కఱ్ఱవిధము తూగినచో బుధ్ధి బుధుల కదియె తగిన భూషణమ్ముః
0119	మనను నుండిగాదె మాటలన్నియు వచ్చు మాట న్యాయమెల్ల మనను విధము
0120	వర్తకంబు వెరుగు వ్యత్యాస ముంచక సొంతమట్లు పరుల సొమ్ముఁజూడ.

 

13. అణకువ
0121	అమరులందు జేర్చు నణకువ యొక్కుని నడుసు నందు దొక్కు మిడిసిపాటు
0122	ఊసిరున్న దనుకఁగా పాడు మణకువనే కలిమికన్న దాని ఫునత హెచ్చు.
0123	విద్య వినయమంచు విభుదుండు భావించి మెలఁగుచుండు బ్రతుకు మెరుగు పడఁగ
0124	ఊన్న ధర్మమునకు భిన్నత గానట్టి నిగ్రహ పరుఁజూడ వింగి వంగు
0125	అందఱికిని మంచి యణకువగా నున్న నున్న వారి కధిక వన్నెఁదెచ్చు
0126	కూర్మ మట్టులణచు కొమవాని కీ జన్మ కేడు జన్మములకు తోడు సుఖము
0127	వదలరాదు నాల్క వదలిన సర్వమ్ము మాటఁజార భంగపాటు వచ్చు
0128	మంచి మాటనున్న మర్యాద సర్వమ్ము చెడ్డమాట నొకటి చెడును పూర్తి
0129	అగ్గి గాల్చు మచ్చ లారును పూర్తిగాఁ నన్నమాట మచ్చలార వెపుడు
0130	కోప తాప మణచు కొనువాని క్షేమమ్ము తనదిగానె జూఛు ధర్మమెపుడు.

 

14. నడవడి
0131	ప్రాణమగును నడత ప్రాణమ్మూ కన్నను గౌరవమ్ము దాన గలుగు గాన
0132	తెలియఁదగిన దన్ని తెలిసియున్నను గాని నడవడి సరిగామి నాణ్యమెడలు
0133	ఇంటి గొప్పదనము నెఱిగించు నడవడి మంచి చెడుగు దాన నెంచదగును
0134	మరచిన శృతుల్తెన మరినేర్చు విప్రుండు ఓగు పడిన యెడల బాగుపడడు
0135	లోభీకెంత యున్న లాభమ్ము లేనట్లు వైకిరాడు దుష్ప్రవర్త నుండు
0136	సత్ప్రవర్తనమున సజ్జనులే వర్తింత్రు దుష్ట వర్తనమున దోష మెఱిగి
0137	మంచి నడతవలన మర్యాద హెచ్చును తప్పు నడత వలన ముప్పు వఛ్చు
0138	సత్ప్రవర్తనంబు సాఖ్యతా బీజమ్ము దుష్ట వర్తనమ్ము దుఃఖకరము
0139	అనుచితంబు జెప్పరాచార పురుమలు మరువు జేతనైనా మాటఁ  మరచి
0140	లోకపోక డెరిగి పోకున్న వాడెంత చదువు జదినియున్న జదువనట్లె.
15. పరదారావిముఖత
0141	వరుల నాలిగోరు భావమ్ము దద్థర్మ పరులయందు గానబడదు చూడ
0142	భ్రష్ఠలందు పరమ భ్రష్ఠండు పరనతి నాశజేసి సమయ మరయువాఁడు
0143	నమ్మినట్టివాని నాతిని గోరెడు సభుడు సభుడుగాడు శవముగాని
0144	ఎంత వాడెయైన నినుమంతఁ జేయడు పరసతులను గోరు భావమున్న
0145	పరసతి సుఖమబ్బు పని తేలికేయైన తిరరాని నింద జేరు నతని
0146	పగయు, భయము, నింద, పాపమ్ము నాలుగు పరసతులను గోరువానితోడు
0147	క్రమము దప్పునట్టి గార్హస్థ్య ధర్మంబు అన్య స్త్రీలఁ గవయ నట్టి దగును
0148	కామ దృష్టి యన్య కాంతలవై లేమి పురుష లక్షణమ్ము పుణ్యమగును
0149	జలధి పరివృతమగు జగమందు విఖ్యాతి పరనతి భుజ బంధ మరయరామి
0150	పాప కర్మలెన్నొ పనిగొని చేసినా పరనతి తభిలాషఁ బడమి మేల్మి
16.  ఓర్పు
0151	త్రవ్వువారినైనఁ ధరమోయు నట్టులే తెగడుచున్న నోర్వ తగునటండ్రు
0152	కీడనర్వ దాని కీడు జేయమి గొప్ప మరచుటంతకన్న మంచి దగును
0153	బలిమిలోన బలిమి పగతుని మన్నింప నతిథి కిడమి బీదలందు బీద
0154	నిండుదనము సీలొ నుండంగ నెంచిన వదలకొర్పు భద్ర పరుప వలయు
0155	మానికముగ గొంద్రు మన్నించు వానిని ఆడిపోను కొంద్రు రాత్రగాని
0156	ఓర్వలేని వాని కొక్కనాడె తృస్తి యున్నదనుక కీర్తి యోర్చుకొన్న
0157	చేయరాని తప్పు చేసిన వారికిన్ నీతి దప్పి శిక్ష నెఱపరాదు
0158	ఆత్రపడిన వాని యన్యాయముల నెల్ల నోర్పుచేత గెల్చు నుత్తముండు
0159	ఆత్రగాని నోట నవదూరు మాటలు వినుచు నోర్చుకొన్న మునుల సమము
0160	వినుచు నూరకున్న వినరాని మాటలు తపము జేయనేల నుపవశించి
17.  ఓర్వలేమి
0161	మంచివాడటంచు మహిమీదఁ బొగడొందు క్రుళ్ళుబోతు తనము గూడకున్న
0162	ఆర్జనంబులన్నియార్జించినట్టులే లేని యెడల యోర్వలేని తనము
0163	ధర్మదూరుడైన దైన్యుండు మాత్రమే యున్న వారి జూచి యోర్వకుంట
0164	చేతగాని వాడె సితిగా బ్రతుకంగ నొరుల పొమ్ముజూచి యోర్వకుంట
0165	ఓర్వలేమి వలన నుత్పన్ను మగుముప్పు విజ్ఞలెఱిగి దాని విడచి యుంద్రు
0166	వైరులైన మరచి వర్తింత్రు కీడెన్న కాచియుండు క్రుళ్ళు కాటువేయ
0167	కూడు గుడ్డ లేక పాడౌను దనుదానె యెరుల కీయ జాచి యోర్వకున్న
0168	క్రుళ్ళుజోతు వాని కొంపకు శ్రీదేవి యడుగుబెట్ట మరచు నక్కనంసి
0169	లబ్ధమైన ధనము లుబ్ధత జోవును తప్పుదారులందు ద్రిప్పబెట్టె
0170	క్రుళ్ళుబోతు మిగిలి కూర్చున్నదియు లేదు మంచివాడు చెడుట మహిని లేదు

18.  లోభము
0171	పరుల కున్న వస్తువు తనకని కోరు లోభి చెడును కొంప మునిగి
0172	అప్పటి కగుదాని నాళించి నిందకు పాలుపడరు ధర్మపరులు భువిని
0173	అల్ప సౌఖ్యమునకు నపహరింపగఁబోరు బ్రహ్మా సుఖము గోరు ప్రాజ్ఞలెల్ల
0174	పేదవడియునైన వెరసొత్తు నాళింప డిండ్రియముల స్థిమిత మెరుగు నతఁడు
0175	విద్యలందు సూక్ష్మ విషయమ్ము లెఱిగియు లోభ ముడుగకున్న లాభమేమి.
0176	ముక్తి గోరుకొన్న మోహంబు ధనమందు వెలకు దెచ్చివెట్టు వెతల నన్ని
0177	పరుల సొమ్మచేతఁ బెరగదు తన సొమ్ము వెరిగెనేని తుదకు తరిగిపోవు
0178	ఉన్న సొత్తు తరుగకుండెడు మార్గమౌ యెరుల సొత్తు కోర కుండు టగును.
0179	సితికి నెలవౌచు నిర్లోభ పరుతైన పండితులను లక్ష్మి పలుకరించు
0180	లాభమేమి లేదు లోభమ్ము గూడిన వైభవమ్ము దాని వదలుకొన్ను.

19.  చాటుమాటలు
0181	ధర్మపరుడటంచు తలయెత్తకున్నను చాటుఁ బలుకదేని నజ్జనుండె
0182	మంచి బలికి యెదుట మరుగున నిండించు క్రూర కర్ముఁగీడు గూడియుండు
0183	చాటుఁబలికి నిజము మాటు మణగజేసి బ్రతుకు బ్రతుకు కన్న మృతి సుఖమ్ము
0184	చెప్పవచ్చు నెదుట చెంపనదర గొట్టి చేటుఁ దలుపరాదు చాటు మాట
0185	వారివారి ధర్మవర్తనం బెట్టిదో చాటుమాటె దెల్పు క్షణమునందు
0186	ఎదిరి గుట్టుఁజాట నెంచిన తోడనే తనదు గుట్టు బయట తానె బడును
0187	ఇంపు మాటలందు నిమిడిన స్నేహమ్ము చాటు మాటలందు సమసిపోవు.
0188	స్నేహితులకె చేటు జేసినన్ చాటుగా పరుల యందు నింకఁ బలుకనేల
0189	వెనుక నొకటి బలుకు పనికి మాలినవాని ధరణి మోయునేమొ ధర్మమునకు
0190	తప్పు లేఱిగినంత దనతప్పు దెలిసిన మెరుగుపడును బ్రతుకు మీదమీద.

20.  వ్యర్థభాషణ
0191	ఫలమొకింతఁ లేక వ్యర్థంబుగాఁ బల్కు నట్టి వాని లక్ష్య వెట్టరెవరు.
0192	వ్యర్థ భాషణమ్ము వ్యథనిచ్చు వంచించి స్నేహితులకుఁ జేయు టెడువు కన్న
0193	వదురుజోతటంచు నెదిరికి దెలిసించు వ్యర్థమైన దాని వ్యాఖ్యజేయ.
0194	చెప్ప దొడఁగునేని చెత్తగా నేదేదొ నష్టపడును వాని నాణ్య మచట
0195	గొప్పదన మదెంత గూడిన వాడైన భంగపడును వ్యర్థ భాషణమున
0196	సత్తులేక బలికి సామర్థ్యుఁడనుకొన్న పురుషఁడెట్టు లగును పొల్లు గాని
0197	దొడ్డవారి మాట దుడుకుగా నున్నను పొల్లు మాట జెప్ప నొల్ల రొకటి
0198	సత్తులేని మాట సర్వజ్ఞు లాడరు పలికిరేని దాన ఫలిత ముండు.
0199	సత్యథంబు గోరు శాస్త్ర పారంగతులే విష్వలముగ జెప్ప నేర రొకటి
0200	పలుకఁ దలతువేని పలుకుము ఫలమీయ ఫలము లేని పలుకు పలుక వలదు.