tel06

Thirukkural in Telugu తిరుక్కురళ్ (Translator: గురుచరణ్)

51. విశ్వసించుట
0501	ధర్మ మర్థ కామ కర్మలతోబాటు ప్రాణభయము నున్నవాని నమ్ము.
0502	మానదృష్టి, వంశమర్యాద నిని రెండు గలిగియున్న వానిఁదెలిసి నమ్ము.
0503	విద్య లెఱిఁగి నట్టె విద్వాంసుఁడెనను తప్పుఁజేయడంచు జెప్పలేము.
0504	గుణముఁ జూచి దోషగుణమును గుర్తించి యెక్కువేదొ దాని లెక్క గొనుము.
0505	అధికు లల్పు లనెడి విధమున కొఱిసిడి వారి వారి కర్మ కారణమ్ము.
0506	బంధు దూరుడైన వానిని నమ్మకు  లోకనిందకేని లొంగ డతడు.
0507	మమతతోడ నమ్మి మంద బుద్ధులఁగూడ మంచి బుద్ధి పోయి మందుడగును.
0508	ఇతరు లెట్టివారొ యెరుగక మమ్మిన బాధ వచ్చు తనకు బంధుపులకు.
0509	నమ్మరాదు తెలియ కెమ్మెయి నమ్మిన వినంగ వలయు నెట్టి విషయమైన.
0510	నమ్మదగిన నమ్ము నమ్మికతో వాని వంశయంబు దుఃఖ సాగరమ్ము.
52. కార్యనిర్ణయము
0511	మంచి చెడ్డ లఱసి మంచి జేసెడి వారె వలయు కార్యమునకు బలముగాను.
0512	వృద్ధిపఱచి సొమ్ము విఘ్నంబులకు నోర్చు స్థిమిత పరుఁడె కార్య సిద్ధిపరుఁడు.
0513	తెలినితేట లుండి తెగవుండి పేరాశ లేని వాఁడె చేరనైన వాఁడు.
0514	తెలినితేట లెన్ని గలిగిన వాఁడైన కార్యకర్త లనఁగ గాదు పలుర.
0515	పనితనమ్ము దెలిసి ప్రతిబంధముల కోర్చు సాహసుండె కార్యసాధకుండు.
0516	ఎవ్వరెవరు దేని నే విధి సాధింత్రు దాని జేయ నిమ్ము వాని బిలచి.
0517	చేయువారి తరము చేష్టల తరమును కాల తరము దెలియ కార్యమగును.
0518	దాని దాని పనికి దాని వానిని జూచి యప్పగింప కార్య మగును సూవె.
0519	కార్య సూరు జెలిమి గౌరవింపని యట్టి సంశయాత్మ విడచిఁ జనును లక్ష్మి.
0520	ప్రతిదినమ్ము రాజు పనివారి క్షేమమ్ము నడిగి తేలుసుకొన్న జెడదు వసుధ.

 

53. చుట్టరికము
0521	లేమి నున్న ప్రేమను పాటించు వారివలన బంధువర్గ ముండు.
0522	చుట్టరికము ప్రేమ చుట్టుకొన్నదియైన బహువిధాల లాభప్రాప్తి నిచ్చు
0523	బంధువీతి లేని బ్రతుకెంతగా నున్న కట్ట తెగిన చెరువు పట్టు విధము.
0524	బంధు వర్గమునకు పొందికగా నున్న కలిమి మిగిలి నంత ఫలము గలదు.
0525	ఇచ్చి ప్రియము తోడి నింపుగా మాట్లాడు నట్టెవాని చుట్టు చుట్టరికము
0526	దాతయయ్య కోపతాపమ్ము లేకున్నఁ జుట్టరికము లేనిచోటు లేదు.
0527	కాకి ముట్టదేది కలియక దనవారి నట్టి వారికుండు నదియె కలిమి.
0528	ఎల్లర నొకరీతి యేలిక చూడడు చూపు ననుసరించి చుట్టముండు.
0529	బంధు వైరమున్న, పొందిక నద్దాని కారణమ్ము దెలియ దీరిపోవు.
0530	కారణమ్ముఁ దెలిసి చేరదీయవలయు వదలుకొన్న వాఁడు వచ్చి చేర.

 

54. మఱపు
0531	ఆగ్రహంబు కన్న నధికమౌ నేరమ్ము సంతనమున మఱపు సంభవింప
0532	మందగించు బుద్ధి మనుజండు వేదైన మఱపు జేత కీర్తి మందగించు.
0533	మాసిపోవు కీర్తి మఱపున్న వారికి శాస్త్ర ధనులకైన సత్యమిద్ది.
0534	భద్రమగునె కోట భయమున్న వానికి మఱచు వాని కెట్లు మంచి గలుగు.
0535	ఎచ్చు వెతల దెలసి వారింప మఱచిన చిక్కులందు జిక్కి చింతఁ జెందు.
0536	ఎంత కార్యమున్న నేకొలమునగాని మఱపులేని వాని మహిమె మహిమ.
0537	జ్ఞాపకమను గొప్ప సాధన సంపత్తి కలుగువాని కేది కాదు జగతి.
0538	మెప్పు నిచ్చు పనుల నుప్పొంగి జేయక మఱచువాని కెపుడు మంచి రాదు.
0539	సాగుచున్న నాఁడు జదువుము, మఱపుచే కష్ట పడిన వారి గాథ లెల్ల.
0540	వలసి నట్టిదాని వదలక జింతింప వలసినట్టు లదియె వచ్చి చేరు.
55. దండనీతి
0541	బంధుమిత్రు లనెడు పక్షపాతము లేక నుండదగిన దగును దండనీతి.
0542	మబ్బు జూచు బ్రతుకు మహిజీవరాసులు ప్రజలు నృపుని జూచి బ్రతుకు చుంద్రు.
0543	వేదశాస్త్రములకు విప్రాళికెల్లను దండనీతి యందె యుండు రక్ష.
0544	భుజము దట్టి ప్రజల బుజ్జగించెడు రాజు పదములందె భక్తి ప్రజల కుండు.
0545	నీతి దప్పనట్టి నృపుండున్న రాజ్యన కాలవర్షముండు కరువు దీరు.
0546	ఖడ్గబలము కన్నఁగ్రమము కనికరమ్మె భువన విజయమిచ్చు నవని పతికి.
0547	ప్రజలకెల్ల రాజు భద్రమైనట్లుగా దండనీతిగాపు ధరణి పతికి.
0548	సకల మాలకించు సరళత లేకున్న నీతి దొరగి రాజు గోతిఁబడును.
0549	బాధ దీర్చుటకయి బాధించునది గాన రాచకర్మ దుష్ట రక్షణమ్ము.
0550	మానవేంద్రుఁడిచ్చు మరణశిక్ష ఫలము వైరున కలువెత్తు వంటిదగును.
56. దుష్పాలన
0551	కష్టవెట్టునట్టి దుష్టరాజున కన్న హంతకుండె మెచ్చనైన వాఁడు.
0552	దోచుకొన్న విధము దొంగలు కత్తెత్తి యప్పుడవుడు పన్నులడుగు రాజు.
0553	అనుదినమ్ముఁదప్పు లరయనిచోఁరాజు చెడును రాజ్యలక్ష్మి ఘడియ ఘడియ.
0554	సంపదలను ప్రజల సర్వమ్ము గోల్పోవు ధరణి విభుడు దప్పఁదండనీతి.
0555	కష్టపడుచు ప్రజలు కార్చిడి కన్నీరె కరగదీయు నృపుని కలిమి జలిమి.
0556	నీతియె క్షీతిపతి నెలకొను మార్గమౌ నది దొఱంగ సర్వ మంతరించు.
0557	వానలేని యట్టి వనుమతి విధమౌను పాలకుండు దయకు బాహ్యుడైన.
0558	వేదకన్న బాధ వెన్నిధిగా నున్న రాజు నీతి దప్పి రాజ్యమేల.
0559	నీతి దప్పినట్టి నృపుడున్న రాజ్యన చెదిరిపోవు మబ్బు చినుక బడక.
0560	పాడి తరిగిపోవు పఠియింప రార్యులు ధర్మ దూరుడైన ధరణి విభుండు.
57. భయోత్పన్నత
0561	తప్పు నరసి మరల దప్పుజేయని రీతి శిక్షనిచ్చు రాజశేఖరుండు.
0562	బలముగాను పూని సులువుగా శిక్షింత్రు నీతిమార్గ మెరుగు నృపకులమ్ము.
0563	దిన దినమ్ము ప్రజలు దిగులొంద బాలించు ప్రభువు చెడగ జూడవలదు దినము.
0564	దుష్టడంచు ప్రజలు దూరంగ నారాజు వెక్కుదినము లుండి వెరగలేడు.
0565	చూడ నలవిగాక చూచిన చిట్లుంచు ధరణి విభుని సిరికి దయ్యమండ్రు.
0566	దబ్బరమ్ములాడు దాక్షిణ్యరహితుని వద్ద నున్న కలిమి వృద్ధికాదు.
0567	క్రమముగాని శిక్ష కఠువైన మాటలు ఱంపమగును గోయ రాజు బలము.
0568	ఆదుకొనగ నుండు నాత్మియులను రాజు కోప పడినఁగలిమి రూపు మాయు.
0569	కుదుటబరచుకున్న మొదటనే సైన్యమ్ము నెదిరి రాక నెఱిగి యదిరి చచ్చు.
0570	దుష్టజనుల గూడి దుర్నీతిపరుడైన ప్రభువె చాలు భూమి భారమునకు.

58. దయ
0571	కరుణ యనెడి దేవకన్యక, కనులలో మెలుగుచుండ జగతి వెలుగుచుండు.
0572	లోకమెల్లఁ దయకు లోనయి వర్తిల్లు భారమవని దయకు దూరమైన.
0573	రక్తిలేదుపాట రాగమ్ము లేకున్న చూపులేదు దయను జూడకున్న.
0574	ఎందుకున్న వేమొ యెరుగము ముఖమున కరుణలేని వారి కుండ్లు రెండు.
0575	కనికరమ్మె యగును కనులకు రమ్యత యది దొఱంగ పుండ్లె యగును కండ్లు.
0576	మట్టిలోన బుట్టు చెట్టుచేమ సములు కన్నులుండి చూడకున్న కరుణ.
0577	కరుణ గల్గినట్టి కన్నులే కన్నులు కండ్లు గావు మిగత కన్నులన్ని.
0578	కరుణతోడ నిత్యకర్మల పాటించు వారి హక్కె యాప్రపంచమెల్ల.
0579	కష్టవెట్టునట్టి కఠినాత్మలందును దయను జూవుఆటగును ధర్మగుణము.
0580	వేడుకొన్నఁజాలు విషమైన భక్షింత్రు దయను లక్ష్యముగను దలచువారు.

59.  గూఢచారి
0581	విషయ మెరుగ మేగు విఖ్యాత గ్రంథము ధరణిపతికి నేత్రద్వయ మటండ్రు
0582	ఎచ్చటెఛట నెవ్వరేమేమి జేతురో వేగుదెలియు టగును విభుని గలిసి.
0583	గూఢ మెరుగకున్న గూఢచారిని గూడి నిజముఁ గనడు రాజు విజయమునకు.
0584	శత్రు మిత్రు బంధు సర్వ సేవకులందు గుట్టు గనుట నృపుని గుణమటండ్రు.
0585	కనిన జంకకుండ ననుమాన మీయక తేలియవలయు వేగు తెలుప కేది.
0586	సన్యసించినట్లు సకలమ్ము కనుగొంచు చిక్కుకొన్న గుట్టు జెప్పరాదు.
0587	విన్న మర్మమడిగి వివరమ్ముగా వేగు చెప్పవలయు దాని స్థిరముగాను.
0588	తెలిసినట్టి దానిఁదెలియని విధముగా మారు వాని నడుగ మర్మమగును.
0589	వేగు వేగు గనని విధముగా ముప్వుర మాటఁదెలియుటగును మర్మమనిన.
0590	సత్కరింపరాదు సభయందు చారుని మర్మమెల్ల దాన మరుగుఁబడును.

60. పట్టుదల
0591	ఉండుటనిన నాకని కుత్సాహ ముండుటే వేరు దానికెట్టి వేరులేదు.
0592	పట్టుదలకు మించి పరమార్థమె గాన నర్థ మెంత యున్న వ్యర్థమగును.
0593	పోయెనంచు దిగులు బొందరు గట్టిగా పట్టుదలను చేత బట్టువారు.
0594	పట్టుదలను విడువనట్టివా రున్నట్టి చోటు దెలిసి లక్ష్మి చొచ్చుకొనును.
0595	నీరు నిండినంత నిడువెక్కు దామర యెంతకంత శ్రద్ధ యంత వృద్ధి.
0596	ఆశయంబు గొప్పదై యుండవలయును కాని కాకపోని కష్టపడకు.
0597	ఎదురులేదు పట్టు వదలక ఢీకొన్న వెనుక దిరుగ దేన్గు విషిఖములకు.
0598	మంచి స్థితినిబొంది మహిమీద నున్నట్లు పట్టులేనివారు బలుకలేరు.
0599	గజము వెద్దదయ్యు గర్జించి వైఁబడు పులిక వెఱచు దంత బలిమియున్న.
0600	వారి వారి బలము వారికుండెడి పట్టె పట్టులేనివారు చెట్టు సములు.